Punjab State Board PSEB 10th Class Agriculture Book Solutions Chapter 6 ਖੇਤੀ ਜੰਗਲਾਤ Textbook Exercise Questions and Answers.
PSEB Solutions for Class 10 Agriculture Chapter 6 ਖੇਤੀ ਜੰਗਲਾਤ
Agriculture Guide for Class 10 PSEB ਖੇਤੀ ਜੰਗਲਾਤ Textbook Questions and Answers
ਅਭਿਆਸ
(ੳ) ਇਕ-ਦੋ ਸ਼ਬਦਾਂ ਵਿੱਚ ਉੱਤਰ ਦਿਓ :
ਪ੍ਰਸ਼ਨ 1.
ਪੰਜਾਬ ਵਿੱਚ ਰਾਸ਼ਟਰੀ ਵਣ ਨੀਤੀ 1988 ਮੁਤਾਬਿਕ ਕਿੰਨੇ ਪ੍ਰਤੀਸ਼ਤ ਰਕਬਾ ਜੰਗਲਾਂ ਹੇਠ ਹੋਣਾ ਚਾਹੀਦਾ ਹੈ ?
ਉੱਤਰ-
20%
ਪ੍ਰਸ਼ਨ 2.
ਪੰਜਾਬ ਵਿੱਚ ਵਣ ਅਤੇ ਰੁੱਖਾਂ ਹੇਠ ਕਿੰਨੇ ਪ੍ਰਤੀਸ਼ਤ ਰਕਬਾ ਹੈ ?
ਉੱਤਰ-
6.49%.
ਪ੍ਰਸ਼ਨ 3.
ਪੰਜਾਬ ਨੂੰ ਜਲਵਾਯੂ ਦੇ ਆਧਾਰ ਤੇ ਕਿੰਨੇ ਜ਼ੋਨਾਂ ਵਿੱਚ ਵੰਡਿਆ ਜਾ ਸਕਦਾ ਹੈ ?
ਉੱਤਰ-
ਤਿੰਨ ।
ਪ੍ਰਸ਼ਨ 4.
ਕੰਢੀ ਖੇਤਰ ਵਿੱਚ ਕਿਹੜੇ ਮੌਸਮ ਵਿੱਚ ਚਾਰੇ ਦੀ ਘਾਟ ਪਾਈ ਜਾਂਦੀ ਹੈ ?
ਉੱਤਰ-
ਸਰਦੀਆਂ ਵਿੱਚ ।
ਪ੍ਰਸ਼ਨ 5.
ਪਾਪੂਲਰ ਦੇ ਦਰੱਖ਼ਤ ਬੰਨਿਆਂ ਉੱਤੇ ਕਿੰਨੇ ਫ਼ਾਸਲੇ ਤੇ ਲਾਏ ਜਾਂਦੇ ਹਨ ?
ਉੱਤਰ-
3 ਮੀਟਰ ।
ਪ੍ਰਸ਼ਨ 6.
ਕੰਢੀ ਖੇਤਰ ਵਿੱਚ ਜ਼ਮੀਨਾਂ ਕਿਹੋ ਜਿਹੀਆਂ ਹਨ ?
ਉੱਤਰ-
ਜ਼ਮੀਨਾਂ ਉੱਚੀਆਂ-ਨੀਵੀਆਂ ਹਨ ।
ਪ੍ਰਸ਼ਨ 7.
ਕੰਢੀ ਵਿੱਚ ਚਾਰੇ ਲਈ ਵਰਤੇ ਜਾਂਦੇ ਦੋ ਰੁੱਖਾਂ ਦੇ ਨਾਮ ਲਿਖੋ ।
ਉੱਤਰ-
ਚੱਕ, ਛੱਲ, ਬੇਰੀ, ਸੁਬਾਬੁਲ, ਕਚਨਾਰ ਆਦਿ ।
ਪ੍ਰਸ਼ਨ 8.
ਪਾਪਲਰ ਦੀ ਖੇਤੀ ਲਈ ਜ਼ਮੀਨ ਦੀ ਪੀ. ਐੱਚ. ਕਿੰਨੀ ਹੋਣੀ ਚਾਹੀਦੀ ਹੈ ?
ਉੱਤਰ-
6.5 ਤੋਂ 8.0 ਤੱਕ |
ਪ੍ਰਸ਼ਨ 9.
ਪੰਜਾਬ ਦੇ ਦੱਖਣੀ-ਪੱਛਮੀ ਜ਼ੋਨ ਵਿੱਚ ਧਰਤੀ ਹੇਠਲਾ ਪਾਣੀ ਕਿਸ ਤਰ੍ਹਾਂ ਦਾ
ਹੈ ?
ਉੱਤਰ-
ਖਾਰਾ ਪਾਣੀ ।
ਪ੍ਰਸ਼ਨ 10.
ਸਾਰੇ ਖੇਤ ਵਿੱਚ ਪਾਪਲਰ ਦੇ ਕਿੰਨੇ ਦਰੱਖ਼ਤ ਪ੍ਰਤੀ ਏਕੜ ਲਗਦੇ ਹਨ ?
ਉੱਤਰ-
200 ਦਰੱਖ਼ਤ ਪ੍ਰਤੀ ਏਕੜ ।
(ਅ) ਇਕ-ਦੋ ਵਾਕਾਂ ਵਿੱਚ ਉੱਤਰ ਦਿਓ :-
ਪ੍ਰਸ਼ਨ 1.
ਪੰਜਾਬ ਵਿੱਚ ਪਾਪਲਰ ਕਿਹੜੇ ਮਹੀਨਿਆਂ ਵਿੱਚ ਲਾਇਆ ਜਾਂਦਾ ਹੈ ?
ਉੱਤਰ-
ਪੰਜਾਬ ਵਿਚ ਪਾਪਲਰ ਲਗਾਉਣ ਦਾ ਸਹੀ ਸਮਾਂ ਜਨਵਰੀ-ਫ਼ਰਵਰੀ ਦਾ ਮਹੀਨਾ ਹੈ ।
ਪ੍ਰਸ਼ਨ 2.
ਵਣ ਖੇਤੀ ਦੀ ਵਿਆਖਿਆ ਕਰੋ ।
ਉੱਤਰ-
ਵਣ ਖੇਤੀ ਵਿੱਚ ਇੱਕੋ ਖੇਤ ਵਿੱਚ ਰੁੱਖ ਅਤੇ ਫ਼ਸਲਾਂ ਇਕੱਠੇ ਉਗਾਏ ਜਾਂਦੇ ਹਨ ।
ਪ੍ਰਸ਼ਨ 3.
ਕੇਂਦਰੀ ਮੈਦਾਨੀ ਇਲਾਕੇ ਵਿੱਚ ਭੂਮੀ ਅਤੇ ਸਿੰਚਾਈ ਸਹੂਲਤਾਂ ਕਿਸ ਤਰ੍ਹਾਂ ਦੀਆਂ ਹਨ ਅਤੇ ਕਿਸਾਨਾਂ ਦੁਆਰਾ ਕਿਹੜਾ ਫ਼ਸਲੀ ਚੱਕਰ ਅਪਣਾਇਆ ਜਾ ਰਿਹਾ ਹੈ ?
ਉੱਤਰ-
ਇਸ ਖੇਤਰ ਵਿੱਚ ਭੂਮੀ ਉਪਜਾਉ ਹੈ ਅਤੇ ਸਿੰਚਾਈ ਸਹੂਲਤਾਂ ਉਪਲੱਬਧ ਹਨ । ਕਣਕ-ਝੋਨਾ ਫਸਲੀ ਚੱਕਰ ਅਪਣਾਇਆ ਜਾਂਦਾ ਹੈ । ਪਾਪਲਰ, ਸਫੈਦਾ, ਡੇਕ ਆਦਿ ਦਰੱਖ਼ਤਾਂ ਨੂੰ ਫ਼ਸਲਾਂ ਨਾਲ ਰਲਵੀਂ ਕਾਸ਼ਤ ਵਜੋਂ ਲਗਾਏ ਜਾਂਦੇ ਹਨ ।
ਪ੍ਰਸ਼ਨ 4.
ਦੱਖਣੀ-ਪੱਛਮੀ ਜ਼ੋਨ ਵਿੱਚ ਕਿਹੜੇ-ਕਿਹੜੇ ਰੁੱਖ ਪਾਏ ਜਾਂਦੇ ਹਨ ?
ਉੱਤਰ-
ਕਿੱਕਰ, ਟਾਹਲੀ, ਅੰਬ, ਧਰੇਕ, ਨਿੰਮ, ਜਾਮਣ, ਤੂਤ ਆਦਿ ਰੁੱਖ ਦੱਖਣ-ਪੱਛਮੀ ਜ਼ੋਨ ਵਿਚ ਪਾਏ ਜਾਂਦੇ ਹਨ ।
ਪ੍ਰਸ਼ਨ 5.
ਸਫ਼ੈਦੇ ਦੇ ਬੂਟੇ ਲਾਉਣ ਦੀ ਵਿਧੀ ਅਤੇ ਬੂਟੇ ਤੋਂ ਬੂਟੇ ਵਿਚਕਾਰ ਫ਼ਾਸਲਾ ਲਿਖੋ ।
ਉੱਤਰ-
ਕਲਮਾਂ ਤੋਂ ਤਿਆਰ ਕੀਤੇ ਬੂਟੇ ਲਗਾਉਣੇ ਚਾਹੀਦੇ ਹਨ । ਸਫ਼ੈਦਾ ਖੇਤ ਦੇ ਬੰਨਿਆਂ ਤੇ ਜਾਂ ਸਾਰੇ ਖੇਤ ਵਿੱਚ ਲਗਾਇਆ ਜਾ ਸਕਦਾ ਹੈ । ਬੰਨੇ ਤੇ ਦਰਖੱਤਾਂ ਦਾ ਆਪਸੀ ਫ਼ਾਸਲਾ 2 ਮੀਟਰ ਅਤੇ ਸਾਰੇ ਖੇਤ ਵਿਚ 4 × 2 ਮੀਟਰ ਦੇ ਫ਼ਾਸਲੇ ਤੇ ਦਰੱਖ਼ਤ ਲਗਾਉਣੇ ਚਾਹੀਦੇ ਹਨ ।
ਪ੍ਰਸ਼ਨ 6.
ਪਾਪਲਰ ਦੀਆਂ ਉੱਨਤ ਕਿਸਮਾਂ ਦੇ ਨਾਮ ਲਿਖੋ ।
ਉੱਤਰ-
PL-I, PL-2, PL-3, PL-4, PL-5, L-47/88, L-48/89 ਪਾਪਲਰ ਦੀਆਂ ਕੁੱਝ ਉੱਨਤ ਕਿਸਮਾਂ ਹਨ ।
ਪ੍ਰਸ਼ਨ 7.
ਸਫ਼ੈਦੇ ਦੇ ਬੂਟੇ ਖੇਤਾਂ ਵਿੱਚ ਕਿਹੜੇ-ਕਿਹੜੇ ਮਹੀਨਿਆਂ ਵਿੱਚ ਲਾਏ ਜਾ ਸਕਦੇ ਹਨ ?
ਉੱਤਰ-
ਸਫ਼ੈਦੇ ਦੇ ਬੂਟੇ ਮਾਰਚ-ਅਪਰੈਲ ਜਾਂ ਜੁਲਾਈ-ਅਗਸਤ ਵਿਚ ਲਗਾਏ ਜਾ ਸਕਦੇ ਹਨ ।
ਪ੍ਰਸ਼ਨ 8.
ਪਾਪਲਰ ਦੀ ਲੱਕੜ ਦੀ ਵਰਤੋਂ ਕਿਹੜੇ-ਕਿਹੜੇ ਉਦਯੋਗਾਂ ਵਿੱਚ ਹੁੰਦੀ ਹੈ ?
ਉੱਤਰ-
ਪਾਪਲਰ ਦੀ ਲੱਕੜ ਦੀ ਵਰਤੋਂ ਮਾਚਿਸ ਤੀਲਾਂ, ਪਲਾਈ, ਪੈਕਿੰਗ ਵਾਲੇ ਡੱਬੇ ਬਣਾਉਣ ਵਿੱਚ ਹੁੰਦੀ ਹੈ ।
ਪ੍ਰਸ਼ਨ 9.
ਪਾਪਲਰ ਦੇ ਬੂਟੇ ਲਗਾਉਣ ਲਈ ਫ਼ਾਸਲਾ ਲਿਖੋ ।
ਉੱਤਰ-
ਪਾਪਲਰ ਨੂੰ ਜੇ ਬੰਨਿਆਂ ਤੇ ਲਾਇਆ ਜਾਵੇ ਤਾਂ ਫ਼ਾਸਲਾ ਰੱਖ਼ਤ ਤੋਂ ਦਰੱਖ਼ਤ 3 ਮੀਟਰ ਅਤੇ ਜੇ ਸਾਰੇ ਖੇਤ ਵਿਚ ਲਾਇਆ ਜਾਵੇ ਤਾਂ 8 × 2.5 ਮੀ. ਜਾਂ 5 x4 ਮੀ. ਰੱਖਣਾ ਚਾਹੀਦਾ ਹੈ ।
ਪ੍ਰਸ਼ਨ 10.
ਕੰਢੀ ਇਲਾਕੇ ਵਿੱਚ ਕਿਹੜੇ-ਕਿਹੜੇ ਰੁੱਖ ਉਗਾਏ ਜਾਂਦੇ ਹਨ ?
ਉੱਤਰ-
ਤੂਤ, ਨਿੰਮ, ਟਾਹਲੀ, ਖੈ-ਕਿੱਕਰ, ਬਿਲ, ਕਚਨਾਰ, ਅੰਬ, ਸੁਬਾਬੂਲ, ਅਰਜਨ, ਹਰੜ, ਬਹੇੜਾ, ਫਲਾਹੀ ਅਤੇ ਢੱਕ, ਡੇਕ, ਸੁਆਜਣਾ ਆਦਿ ਰੁੱਖ ਲਾਏ ਜਾਂਦੇ ਹਨ ।
(ੲ) ਪੰਜ-ਛੇ ਵਾਕਾਂ ਵਿੱਚ ਉੱਤਰ ਦਿਓ :-
ਪ੍ਰਸ਼ਨ 1.
ਵਣ ਖੇਤੀ (Agroforestry) ਦੀ ਪਰਿਭਾਸ਼ਾ ਦਿਓ ।
ਉੱਤਰ-
ਰਾਸ਼ਟਰੀ ਵਣ ਨੀਤੀ 1988 ਅਨੁਸਾਰ ਲੱਕੜ ਦੀਆਂ ਜ਼ਰੂਰਤਾਂ ਦੀ ਪੂਰਤੀ ਅਤੇ ਵਾਤਾਵਰਨ ਨੂੰ ਅਨੁਕੂਲ ਰੱਖਣ ਲਈ ਲਗਪਗ 20% ਰਕਬਾ ਜੰਗਲਾਂ ਹੇਠ ਆਉਣਾ ਚਾਹੀਦਾ ਹੈ ਪਰ ਜੰਗਲਾਂ ਹੇਠ ਹੋਰ ਰਕਬਾ ਲਿਆਉਣ ਦੀ ਸੰਭਾਵਨਾ ਘੱਟ ਹੋਣ ਕਾਰਨ ਵਣ ਖੇਤੀ ਦੁਆਰਾ ਇਹ ਕੰਮ ਕੀਤਾ ਜਾ ਸਕਦਾ ਹੈ ।
ਵਣ ਖੇਤੀ ਤੋਂ ਭਾਵ ਹੈ ਕਿ ਇੱਕੋ ਖੇਤ ਵਿੱਚ ਰੁੱਖ ਅਤੇ ਫ਼ਸਲਾਂ ਇਕੱਠੇ ਉਗਾਏ ਜਾਣ । ਇਸ ਖੇਤੀ ਦਾ ਮੰਤਵ ਇਹ ਹੈ ਕਿ ਕਿਸਾਨ ਆਪਣੀਆਂ ਲੋੜਾਂ ਵੀ ਪੂਰੀਆਂ ਕਰ ਲੈਣ ; ਜਿਵੇਂ, ਅਨਾਜ, ਲੱਕੜ, ਬਾਲਣ, ਚਾਰਾ ਅਤੇ ਕੁਦਰਤੀ ਸੋਮਿਆਂ ਦੀ ਸੰਭਾਲ ਵੀ ਹੋ ਜਾਵੇ ; ਜਿਵੇਂ, ਜ਼ਮੀਨ, ਪਾਣੀ, ਹਵਾ ਆਦਿ । ਇਸ ਢੰਗ ਨਾਲ ਕਿਸਾਨ ਦੀ ਆਮਦਨ ਵਿਚ ਵੀ ਵਾਧਾ ਹੁੰਦਾ ਹੈ ।
ਪ੍ਰਸ਼ਨ 2.
ਪਾਪਲਰ ਦੀ ਕਾਸ਼ਤ ਲਈ ਪੰਜਾਬ ਐਗਰੀਕਲਚਰਲ ਯੂਨੀਵਰਸਿਟੀ ਵੱਲੋਂ ਕਿਹੜੀਆਂ-ਕਿਹੜੀਆਂ ਕਿਸਮਾਂ ਦੀ ਸਿਫ਼ਾਰਿਸ਼ ਕੀਤੀ ਜਾਂਦੀ ਹੈ ਅਤੇ ਕਿੰਨੇ-ਕਿੰਨੇ ਫ਼ਾਸਲੇ ਤੇ ਰੁੱਖ ਲਾਉਣੇ ਚਾਹੀਦੇ ਹਨ ?
ਉੱਤਰ-
ਪੰਜਾਬ ਐਗਰੀਕਲਚਰਲ ਯੂਨੀਵਰਸਿਟੀ ਵੱਲੋਂ ਪਾਪਲਰ ਦੀਆਂ PL-1, PL2, PL-3, PL-4, PL-5, PL-6, PL-7, L-47/88 ਅਤੇ L-48/89 ਕਿਸਮਾਂ ਦੀ ਸਿਫ਼ਾਰਿਸ਼ ਕੀਤੀ ਜਾਂਦੀ ਹੈ । ਪਾਪਲਰ ਨੂੰ ਜੇ ਬੰਨਿਆਂ ਤੇ ਲਾਇਆ ਜਾਵੇ ਤਾਂ ਫ਼ਾਸਲਾ ਰੱਖ਼ਤ ਤੋਂ ਦਰੱਖ਼ਤ 3 ਮੀਟਰ ਅਤੇ ਜੇ ਸਾਰੇ ਖੇਤ ਵਿੱਚ ਲਾਇਆ ਜਾਵੇ ਤਾਂ 8 × 2.5 ਮੀ ਜਾਂ 5 × 4 ਮੀ. ਰੱਖਣਾ ਚਾਹੀਦਾ ਹੈ ।
ਸਾਰੇ ਖੇਤ ਵਿੱਚ ਲਗਪਗ 200 ਦਰੱਖ਼ਤ ਪ੍ਰਤੀ ਕੁੜ ਲਗਾਏ ਜਾ ਸਕਦੇ ਹਨ ।
ਪ੍ਰਸ਼ਨ 3.
ਕਲਮਾਂ ਤੋਂ ਤਿਆਰ ਕੀਤੇ ਸਫ਼ੈਦੇ ਦੇ ਪੌਦੇ ਕਿੱਥੋਂ ਮਿਲ ਸਕਦੇ ਹਨ ?
ਉੱਤਰ-
ਵਣ ਖੇਤੀ ਵਿੱਚ ਸਫ਼ੈਦੇ ਦੀਆਂ ਕਲਮਾਂ ਤੋਂ ਤਿਆਰ ਕੀਤੇ ਬਟੇ ਲਗਾਉਣੇ ਚਾਹੀਦੇ ਹਨ, ਇਹ ਸਾਰੇ ਇਕ ਸਾਰ ਵੱਧਦੇ ਹਨ । ਸਫ਼ੈਦੇ ਦੇ ਬੂਟੇ ਕਿਸੇ ਵੀ ਜੰਗਲਾਤ ਵਿਭਾਗ ਦੀ ਨਰਸਰੀ ਜਾਂ ਪ੍ਰਾਈਵੇਟ ਰਜਿਸਟਰਡ ਨਰਸਰੀ ਤੋਂ ਪ੍ਰਾਪਤ ਕੀਤੇ ਜਾ ਸਕਦੇ ਹਨ ।
ਪ੍ਰਸ਼ਨ 4.
ਪਾਪਲਰ ਦੇ ਬੂਟੇ ਲਾਉਣ ਲਈ ਵਿਧੀ ਦਾ ਵਰਣਨ ਕਰੋ ।
ਉੱਤਰ-
ਪਾਪਲਰ ਦੇ ਪੌਦੇ ਲਾਉਣ ਲਈ 3 ਫੁੱਟ ਡੂੰਘਾ ਅਤੇ 15-20 ਸੈਂ.ਮੀ. ਵਿਆਸ ਵਾਲਾ ਟੋਇਆ ਬਣਾਇਆ ਜਾਂਦਾ ਹੈ । ਬੂਟਿਆਂ ਨੂੰ ਸਿਉਂਕ ਅਤੇ ਬੀਮਾਰੀਆਂ ਤੋਂ ਬਚਾਉਣ ਲਈ ਕਲੋਰੋਪਾਈਰੀਫਾਸ ਅਤੇ ਐਮੀਸਾਨ-6 ਦੀ ਵਰਤੋਂ ਕੀਤੀ ਜਾਂਦੀ ਹੈ । ਪਾਪਲਰ ਦੇ ਪੌਦਿਆਂ ਨੂੰ ਜਨਵਰੀ/ਫ਼ਰਵਰੀ ਦੇ ਮਹੀਨਿਆਂ ਵਿਚ ਲਾਉਣਾ ਸਹੀ ਰਹਿੰਦਾ ਹੈ ! ਟੋਏ ਵਿਚ ਬੂਟਾ ਲਾਉਣ ਤੋਂ ਫੌਰਨ ਬਾਅਦ ਪਾਣੀ ਲਾ ਦੇਣਾ ਚਾਹੀਦਾ ਹੈ । ਜੇ ਪਾਪਲਰ ਨੂੰ ਖੇਤ ਦੇ ਬੰਨਿਆਂ ‘ਤੇ ਲਾਉਣਾ ਹੋਵੇ ਤਾਂ ਬੂਟਿਆਂ ਵਿਚ ਆਪਸੀ ਫ਼ਾਸਲਾ 3 ਮੀਟਰ ਹੋਣਾ ਚਾਹੀਦਾ ਹੈ ਅਤੇ ਜੇ ਪਾਪਲਰ ਨੂੰ ਸਾਰੇ ਖੇਤ ਵਿਚ ਲਾਉਣਾ ਹੋਵੇ ਤਾਂ 8 × 2.5 ਮੀਟਰ ਜਾਂ 5 × 4 ਮੀਟਰ ਫ਼ਾਸਲਾ ਰੱਖਣਾ ਚਾਹੀਦਾ ਹੈ | ਇਸ ਤਰ੍ਹਾਂ ਸਾਰੇ ਖੇਤ ਵਿਚ ਲਗਪਗ 200 ਬੂਟੇ ਪ੍ਰਤੀ ਏਕੜ ਦੇ ਹਿਸਾਬ ਨਾਲ ਲਗਾਏ ਜਾਂਦੇ ਹਨ ।
ਪ੍ਰਸ਼ਨ 5.
ਪਾਪਲਰ ਦੀ ਲੱਕੜ ਦੀ ਵਰਤੋਂ ਕਿੱਥੇ-ਕਿੱਥੇ ਕੀਤੀ ਜਾਂਦੀ ਹੈ ?
ਉੱਤਰ-
ਪਾਪਲਰ ਦੀ ਕਾਸ਼ਤ, ਛੋਟੇ ਪੱਧਰ ਤੇ ਲੱਕੜ ਉਦਯੋਗ ਅਤੇ ਰੋਜ਼ਗਾਰ ਪੈਦਾ ਕਰਨ ਦੇ ਸਮਰੱਥ ਹੈ | ਪਾਪਲਰ ਦੀ ਲੱਕੜੀ ਕਈ ਉਦਯੋਗਾਂ ਵਿੱਚ ਵਰਤੀ ਜਾਂਦੀ ਹੈ , ਜਿਵੇਂ, ਇਸ ਤੋਂ ਮਾਚਿਸ ਦੀਆਂ ਤੀਲੀਆਂ ਬਣਦੀਆਂ ਹਨ, ਪਲਾਈ ਬਣਦੀ ਹੈ ਅਤੇ ਪੈਕਿੰਗ ਲਈ ਡੱਬੇ ਬਣਦੇ ਹਨ । ਇਸ ਤਰ੍ਹਾਂ ਪਾਪਲਰ ਦੀ ਕਾਸ਼ਤ ਕਰ ਕੇ ਮੁਨਾਫ਼ਾ ਖੱਟਿਆ ਜਾ ਸਕਦਾ ਹੈ । ਸਰਦੀਆਂ ਵਿਚ ਇਸਦੇ ਪੱਤੇ ਝੜ ਜਾਂਦੇ ਹਨ, ਇਸ ਲਈ ਹਾੜ੍ਹੀ ਦੀਆਂ ਫਸਲਾਂ ਨੂੰ ਵੀ ਨੁਕਸਾਨ ਨਹੀਂ ਹੁੰਦਾ ।
PSEB 10th Class Agriculture Guide ਖੇਤੀ ਜੰਗਲਾਤ Important Questions and Answers
ਬਹੁਤ ਛੋਟੇ ਉੱਤਰਾਂ ਵਾਲੇ ਪ੍ਰਸ਼ਨ
ਪ੍ਰਸ਼ਨ 1.
ਪੰਜਾਬ ਵਿਚ ਵਣ ਖੇਤੀ ਇੱਕ ਢੁੱਕਵਾਂ ਖੇਤੀ ਪ੍ਰਬੰਧ ਕਿਉਂ ਹੈ ?
ਉੱਤਰ-
ਕਿਉਂਕਿ ਵਣਾਂ ਹੇਠ ਹੋਰ ਰਕਬਾ ਲਿਆਉਣ ਦੀ ਸੰਭਾਵਨਾ ਨਹੀਂ ਹੈ ।
ਪ੍ਰਸ਼ਨ 2.
ਕੀ ਵਣ ਖੇਤੀ ਤੋਂ ਵੀ ਕਮਾਈ ਹੁੰਦੀ ਹੈ ?
ਉੱਤਰ-
ਰਵਾਇਤੀ ਖੇਤੀ ਨਾਲੋਂ ਵੱਧ ।
ਪ੍ਰਸ਼ਨ 3.
ਖੇਤਾਂ ਦੇ ਬੰਨਿਆਂ ਤੇ ਦਰੱਖ਼ਤਾਂ ਨੂੰ ਕਿਹੜੀ ਦਿਸ਼ਾ ਵਿਚ, ਲਾਉਣਾ ਚਾਹੀਦਾ ਹੈ ?
ਉੱਤਰ-
ਉੱਤਰ-ਦੱਖਣ ਦਿਸ਼ਾ ਵਾਲੇ ਬੰਨਿਆਂ ਤੇ ।
ਪ੍ਰਸ਼ਨ 4.
ਜਲਵਾਯੂ ਦੇ ਆਧਾਰ ਤੇ ਪੰਜਾਬ ਨੂੰ ਕਿੰਨੇ ਖੇਤਰਾਂ ਵਿਚ ਵੰਡਿਆ ਹੈ ?
ਉੱਤਰ-
ਤਿੰਨ ਖੇਤਰਾਂ ਵਿੱਚ ।
ਪ੍ਰਸ਼ਨ 5.
ਕੰਢੀ ਇਲਾਕੇ ਵਿੱਚ ਕਿਸਾਨ ਕਿਸ ’ਤੇ ਆਧਾਰਿਤ ਖੇਤੀ ਕਰਦੇ ਹਨ ?
ਉੱਤਰ-
ਵਰਖਾ ‘ਤੇ ਆਧਾਰਿਤ ।
ਪ੍ਰਸ਼ਨ 6.
ਬਾਗਾਂ ਨੂੰ ਬਚਾਉਣ ਲਈ ਕਿਹੜੇ ਰੁੱਖ ਲਾਏ ਜਾਂਦੇ ਹਨ ?
ਉੱਤਰ-
ਜੈਟਰੋਫਾ, ਕਰੌਦਾ, ਇਪੋਮਿਆ ।
ਪਸ਼ਨ 7.
ਦੱਖਣੀ-ਪੱਛਮੀ ਜ਼ੋਨ ਦੀ ਮਿੱਟੀ ਦੀ ਉੱਪਰਲੀ ਪਰਤ ਕਿਹੋ ਜਿਹੀ ਹੈ ?
ਉੱਤਰ-
ਖਾਰੇਪਣ ਵਾਲੀ ।
ਪ੍ਰਸ਼ਨ 8.
ਪਾਪਲਰ ਹਾੜ੍ਹੀ ਦੀਆਂ ਫ਼ਸਲਾਂ ਨੂੰ ਘੱਟ ਨੁਕਸਾਨ ਕਰਦਾ ਹੈ, ਕਿਵੇਂ ?
ਉੱਤਰ-
ਇਸ ਦੇ ਪੱਤੇ ਸਰਦੀਆਂ ਵਿੱਚ ਝੜ ਜਾਂਦੇ ਹਨ ।
ਪ੍ਰਸ਼ਨ 9.
ਕਿਹੋ ਜਿਹੀ ਜ਼ਮੀਨ ਪਾਪਲਰ ਲਈ ਠੀਕ ਨਹੀਂ ?
ਉੱਤਰ-
ਕੱਲਰ ਅਤੇ ਸੇਮ ਵਾਲੀ ।
ਪ੍ਰਸ਼ਨ 10.
ਪਾਪਲਰ ਕਿਹੜੇ ਇਲਾਕਿਆਂ ਵਿਚ ਬਹੁਤ ਕਾਮਯਾਬ ਹੈ ?
ਉੱਤਰ-
ਬੇਟ ਦੇ ।
ਪ੍ਰਸ਼ਨ 11.
ਸਾਰੇ ਖੇਤ ਵਿਚ ਪਾਪਲਰ ਦੇ ਕਿੰਨੇ ਦਰੱਖ਼ਤ ਲਾਏ ਜਾਂਦੇ ਹਨ ?
ਉੱਤਰ-
200 ਦਰੱਖ਼ਤ ਪ੍ਰਤੀ ਏਕੜ ।
ਪ੍ਰਸ਼ਨ 12.
ਪਾਪਲਰ ਦੇ ਦਰੱਖ਼ਤ ਕਿੰਨੇ ਸਾਲਾਂ ਵਿੱਚ ਤਿਆਰ ਹੋ ਜਾਂਦੇ ਹਨ ?
ਉੱਤਰ-
5 ਤੋਂ 7 ਸਾਲਾਂ ਵਿੱਚ ।
ਪ੍ਰਸ਼ਨ 13.
ਸਫ਼ੈਦੇ ਦੇ ਕਿਹੋ ਜਿਹੇ ਬੂਟੇ ਲਾਉਣੇ ਚਾਹੀਦੇ ਹਨ ?
ਉੱਤਰ-
ਕਲਮਾਂ ਤੋਂ ਤਿਆਰ ।
ਪ੍ਰਸ਼ਨ 14.
ਸਾਰੇ ਖੇਤ ਵਿੱਚ ਸਫ਼ੈਦੇ ਦੇ ਕਿੰਨੇ ਦਰੱਖ਼ਤ ਲਾਏ ਜਾਂਦੇ ਹਨ ?
ਉੱਤਰ-
500 ਦਰੱਖ਼ਤ ਪ੍ਰਤੀ ਏਕੜ ।
ਪ੍ਰਸ਼ਨ 15.
ਜੇ ਲੰਬੇ ਸਮੇਂ ਤਕ ਸਫੈਦੇ ਨਾਲ ਕਾਸ਼ਤ ਕਰਨੀ ਹੋਵੇ ਤਾਂ ਕਤਾਰਾਂ ਵਿੱਚ ਕਿੰਨਾ ਫ਼ਾਸਲਾ ਹੋਣਾ ਚਾਹੀਦਾ ਹੈ ?
ਉੱਤਰ-
8 ਮੀ. ।
ਪ੍ਰਸ਼ਨ 16.
ਸਫ਼ੈਦੇ ਤੋਂ ਇਮਾਰਤੀ ਲੱਕੜ ਲੈਣੀ ਹੋਵੇ ਤਾਂ ਕਿੰਨੇ ਸਾਲ ਦਾ ਸਮਾਂ ਲੱਗਦਾ ਹੈ ?
ਉੱਤਰ-
13 ਤੋਂ 15 ਸਾਲ ।
ਪ੍ਰਸ਼ਨ 17.
ਸਫ਼ੈਦੇ, ਪੇਪਰ ਪਲਪ ਲਈ ਕਿੰਨੇ ਸਾਲ ਵਿਚ ਤਿਆਰ ਹੋ ਜਾਂਦੇ ਹਨ ?
ਉੱਤਰ-
6 ਤੋਂ 8 ਸਾਲ ।
ਪ੍ਰਸ਼ਨ 18.
ਸਫ਼ੈਦੇ ਤੋਂ ਬੱਲੀਆਂ ਬਣਾਉਣ ਲਈ ਕਿੰਨੇ ਸਾਲ ਬਾਅਦ ਕੱਟਿਆ ਜਾ ਸਕਦਾ ਹੈ ?
ਉੱਤਰ-
4 ਤੋਂ 6 ਸਾਲ ।
ਛੋਟੇ ਉੱਤਰਾਂ ਵਾਲੇ ਪ੍ਰਸ਼ਨ
ਪ੍ਰਸ਼ਨ 1.
ਵਣ ਖੇਤੀ ਦੇ ਮੁੱਖ ਮਾਡਲ ਕਿਹੜੇ-ਕਿਹੜੇ ਹਨ ?
ਉੱਤਰ-
ਵਣ ਖੇਤੀ ਦੇ ਦੋ ਮੁੱਖ ਮਾਡਲ ਹਨ-ਖੇਤਾਂ ਦੇ ਬੰਨਿਆਂ ‘ਤੇ ਦਰੱਖ਼ਤ ਲਗਾਉਣਾ, ਦਰੱਖ਼ਤ ਅਤੇ ਫ਼ਸਲਾਂ ਦੀ ਰਲਵੀਂ ਕਾਸ਼ਤ ਕਰਨਾ ।
ਪ੍ਰਸ਼ਨ 2.
ਬੰਨਿਆਂ ‘ਤੇ ਦਰੱਖ਼ਤ ਲਾਉਣ ਵਾਲੇ ਮਾਡਲ ਵਿੱਚ ਕਿਸਾਨ ਦਰੱਖ਼ਤ ਕਿੱਥੇ ਲਾਉਂਦੇ ਹਨ ?
ਉੱਤਰ-
ਇਸ ਵਿਧੀ ਵਿੱਚ ਕਿਸਾਨ ਦਰੱਖ਼ਤਾਂ ਨੂੰ ਬੰਨਿਆਂ ਤੇ ਜਾਂ ਖਾਲਾਂ ਵਿੱਚ ਇੱਕ ਜਾਂ ਦੋ ਕਤਾਰਾਂ ਵਿਚ ਲਾਉਂਦੇ ਹਨ ।
ਪ੍ਰਸ਼ਨ 3.
ਖੇਤੀ ਬੰਨਿਆਂ ‘ਤੇ ਕਿਹੜੇ ਦਰੱਖ਼ਤ ਲਾਏ ਜਾ ਸਕਦੇ ਹਨ ?
ਉੱਤਰ-
ਸੂਬਾਬੂਲ, ਧਰੇਕ, ਤੂਤ, ਸਫ਼ੈਦਾ, ਪਾਪਲਰ, ਸਰੀਂਹ, ਲਸੂੜਾ, ਸੁਹੰਜਣਾ, ਟਾਹਲੀ ਆਦਿ ।
ਪ੍ਰਸ਼ਨ 4.
ਦਰੱਖ਼ਤ ਅਤੇ ਫ਼ਸਲਾਂ ਦੀ ਰਲਵੀਂ ਕਾਸ਼ਤ ਕਿਹੜੇ ਕਿਸਾਨ ਕਰਦੇ ਹਨ ?
ਉੱਤਰ-
ਅਜਿਹੀ ਕਾਸ਼ਤ ਜ਼ਿਆਦਾ ਜ਼ਮੀਨ ਵਾਲੇ ਕਿਸਾਨ ਕਰਦੇ ਹਨ ।
ਪ੍ਰਸ਼ਨ 5.
ਸਾਰੇ ਖੇਤ ਵਿਚ ਲਾਉਣ ਲਈ ਕਿਹੜੇ ਦਰੱਖ਼ਤ ਵਧੀਆ ਹਨ ?
ਉੱਤਰ-
ਸਾਰੇ ਖੇਤ ਵਿਚ ਲਾਉਣ ਲਈ ਪਾਪਲਰ, ਸਫ਼ੈਦਾ, ਧਰੇਕ ਅਤੇ ਤੂਣ ਵਧੀਆ ਦਰੱਖ਼ਤ ਹਨ ।
ਪ੍ਰਸ਼ਨ 6.
ਭੂਮੀ ਖੋਰ ਦੀ ਸਮੱਸਿਆ ਕਿਹੜੇ ਜ਼ੋਨ ਵਿੱਚ ਹੈ ?
ਉੱਤਰ-
ਕੰਢੀ ਇਲਾਕੇ ਵਿੱਚ ਜ਼ਮੀਨਾਂ ਉੱਚੀਆਂ-ਨੀਵੀਆਂ ਹੋਣ ਕਾਰਨ ਭੁਮੀ ਖੋਰ ਦੀ ਸਮੱਸਿਆ ਬਹੁਤ ਹੈ ।
ਪ੍ਰਸ਼ਨ 7.
ਪਾਪਲਰ ਲਈ ਕਿਹੋ ਜਿਹੀ ਜ਼ਮੀਨ ਠੀਕ ਹੈ ?
ਉੱਤਰ-
ਚੰਗੇ ਜਲ ਨਿਕਾਸ ਵਾਲੀ, ਮੈਰਾ ਤੋਂ ਰੇਤਲੀ ਮੈਰਾ ਉਪਜਾਊ ਜ਼ਮੀਨ ਅਤੇ ਜਿਸ ਦੀ ਪੀ. ਐੱਚ. 6.5 ਤੋਂ 8.0 ਤੱਕ ਹੋਵੇ, ਪਾਪਲਰ ਲਈ ਢੁੱਕਵੀਂ ਰਹਿੰਦੀ ਹੈ ।
ਪ੍ਰਸ਼ਨ 8.
ਸਫ਼ੈਦੇ ਦੀ ਲੱਕੜ ਦੀ ਵਰਤੋਂ ਕਿਹੜੇ-ਕਿਹੜੇ ਕੰਮਾਂ ਲਈ ਕੀਤੀ ਜਾਂਦੀ ਹੈ ?
ਉੱਤਰ-
ਇਸ ਦੀ ਲੱਕੜ ਤੋਂ ਇਮਾਰਤੀ ਲੱਕੜ, ਪੇਪਰ ਪਲਪ, ਬੱਲੀਆਂ ਆਦਿ ਪ੍ਰਾਪਤ ਹੁੰਦੀਆਂ ਹਨ ।
ਪ੍ਰਸ਼ਨ 9.
ਸਾਰੇ ਖੇਤ ਵਿਚ ਵਣ ਖੇਤੀ ਕਰਨ ਲਈ ਲਗਾਏ ਜਾਣ ਵਾਲੇ ਕਿਸੇ ਚਾਰ ਰੁੱਖਾਂ ਦੇ ਨਾਂ ਲਿਖੋ ।
ਉੱਤਰ-
ਪਾਪਲਰ, ਸਫ਼ੈਦਾ, ਧਰੇਕ ਅਤੇ ਤਤ ।
ਪ੍ਰਸ਼ਨ 10.
ਪੰਜਾਬ ਵਿਚ ਵਪਾਰਕ ਵਣ ਖੇਤੀ ਲਈ ਮੁੱਖ ਤੌਰ ਤੇ ਕਿਹੜੇ ਦੋ ਦਰੱਖਤਾਂ ਦੀ ਕਾਸ਼ਤ ਕੀਤੀ ਜਾਂਦੀ ਹੈ ?
ਉੱਤਰ-
ਪਾਪਲਰ, ਸਫ਼ੈਦਾ ।
ਵੱਡੇ ਉੱਤਰਾਂ ਵਾਲੇ ਪ੍ਰਸ਼ਨ
ਪ੍ਰਸ਼ਨ 1.
ਪਾਪਲਰ ਦੀ ਕਾਂਟ-ਛਾਂਟ ਬਾਰੇ ਦੱਸੋ ।
ਜਾਂ
ਪਾਪਲਰ ਦੀ ਸਮੇਂ ਸਿਰ ਅਤੇ ਸਹੀ ਕਾਂਟ-ਛਾਂਟ ਕਰਨ ਨਾਲ ਕੀ ਲਾਭ ਹੁੰਦਾ ਹੈ ?
ਉੱਤਰ-
ਪਾਪਲਰ ਨੂੰ ਪਹਿਲੇ ਸਾਲ ਕਾਂਟ-ਛਾਂਟ ਦੀ ਲੋੜ ਨਹੀਂ ਹੁੰਦੀ, ਪਰ ਦੂਸਰੇ ਸਾਲ ਪੱਤੇ ਝੜਨ ਤੋਂ ਬਾਅਦ ਕਾਂਟ-ਛਾਂਟ ਕਰ ਦੇਣੀ ਚਾਹੀਦੀ ਹੈ । ਸਮੇਂ ਸਿਰ ਕੀਤੀ ਕਾਂਟ-ਛਾਂਟ ਕਾਰਨ ਮੁੱਖ ਤਣਾ ਸਿੱਧਾ ਅਤੇ ਗੰਢਾਂ ਰਹਿਤ ਰਹਿੰਦਾ ਹੈ ।
ਪ੍ਰਸ਼ਨ 2.
ਸਫ਼ੈਦੇ ਦੇ ਕਿਹੜੇ ਗੁਣਾਂ ਕਾਰਨ ਇਸਦੀ ਵਣ ਖੇਤੀ ਵਿੱਚ ਕਾਸ਼ਤ ਹੋ ਰਹੀ ਹੈ ?
ਉੱਤਰ-
ਸਫ਼ੈਦੇ ਦਾ ਤੇਜ਼ ਵਾਧਾ, ਸਿੱਧਾ ਤਣਾ, ਆਪਣੇ ਆਪ ਟਹਿਣੀਆਂ ਦਾ ਝੜਨਾ ਅਤੇ ਇਸ ਦੀ ਲੱਕੜ ਦੀ ਵਰਤੋਂ ਤੋਂ ਇਮਾਰਤੀ ਲੱਕੜ, ਪੇਪਰ ਪਲਪ, ਬੱਲੀਆਂ ਆਦਿ ਪ੍ਰਾਪਤ ਹੁੰਦੀਆਂ ਹਨ । ਇਸ ਲਈ ਇਸ ਦੀ ਕਾਸ਼ਤ ਵਣ ਖੇਤੀ ਵਿੱਚ ਕੀਤੀ ਜਾਂਦੀ ਹੈ ।
ਪ੍ਰਸ਼ਨ 3.
ਪੰਜਾਬ ਵਿੱਚ ਵਪਾਰਕ ਵਣ ਖੇਤੀ ਲਈ ਸਫ਼ੈਦੇ ਅਤੇ ਪਾਪੂਲਰ ਦੀ ਹੀ ਕਾਸ਼ਤ ਕਿਉਂ ਕੀਤੀ ਜਾਂਦੀ ਹੈ ?
ਉੱਤਰ-
ਦੇਖੋ ਪ੍ਰਸ਼ਨ 2 ਸਫ਼ੈਦੇ ਦੀ ਕਾਸ਼ਤ ਲਈ) ।
ਪਾਪਲਰ ਦੀ ਕਾਸ਼ਤ ਰੋਜ਼ਗਾਰ ਦੇ ਮੌਕੇ ਪ੍ਰਦਾਨ ਕਰਦੀ ਹੈ । ਇਸ ਦੀ ਵਰਤੋਂ ਛੋਟੇ ਪੱਧਰ ਦੇ ਲੱਕੜ ਉਦਯੋਗ; ਜਿਵੇਂ ਪਲਾਈ, ਮਾਚਿਸ ਤੀਲਾਂ, ਪੈਕਿੰਗ ਵਾਲੇ ਡੱਬੇ ਆਦਿ ਵਿਚ ਹੁੰਦੀ ਹੈ । ਇਹ ਹਾੜ੍ਹੀ ਦੀਆਂ ਫ਼ਸਲਾਂ ਨੂੰ ਵੀ ਘੱਟ ਹਾਨੀ ਪਹੁੰਚਾਉਂਦਾ ਹੈ । ਇਸ ਲਈ ਪਾਪਲਰ ਦੀ ਕਾਸ਼ਤ ਕੀਤੀ ਜਾਂਦੀ ਹੈ । ਇਹਨਾਂ ਤੋਂ ਹੋਣ ਵਾਲੀ ਆਮਦਨ ਕਣਕ-ਝੋਨਾ ਫ਼ਸਲੀ ਚੱਕਰ ਤੋਂ ਵੱਧ ਹੈ ।
ਬਹੁ-ਵਿਕਲਪੀ ਪ੍ਰਸ਼ਨ
ਪ੍ਰਸ਼ਨ 1.
ਰਾਸ਼ਟਰੀ ਵਣਨੀਤੀ 1988 ਅਨੁਸਾਰ ਕਿੰਨਾ ਰਕਬਾ ਜੰਗਲਾਂ ਹੇਠ ਹੋਣਾ ਚਾਹੀਦਾ ਹੈ ।
(ਉ) 5%
(ਅ) 20%
(ੲ) 50%
(ਸ) 29%.
ਉੱਤਰ-
(ਅ) 20%
ਪ੍ਰਸ਼ਨ 2.
ਕੇਂਦਰੀ ਮੈਦਾਨੀ ਇਲਾਕੇ ਵਿੱਚ ……………………… ਦਰੱਖ਼ਤ ਲਗਾਏ ਜਾਂਦੇ ਹਨ ।
(ਉ) ਪਾਪਲਰ
(ਅ) ਡੇਕ
(ੲ) ਸਫ਼ੈਦਾ
(ਸ) ਸਾਰੇ ।
ਉੱਤਰ-
(ਸ) ਸਾਰੇ ।
ਪ੍ਰਸ਼ਨ 3.
ਪਾਪਲਰ ਦੀ ਕਿਸਮ ਨਹੀਂ ਹੈ-
(ਉ) PL-5
(ਆ) PL-47/88
(ੲ) PL-858
(ਸ) PL-48/89.
ਉੱਤਰ-
(ੲ) PL-858
ਪ੍ਰਸ਼ਨ 4.
ਪਾਪਲਰ ਦੇ ਦਰੱਖ਼ਤ ……………………….. ਸਾਲਾਂ ਵਿਚ ਤਿਆਰ ਹੋ ਜਾਂਦੇ ਹਨ ।
(ਉ) 5 ਤੋਂ 7
(ਅ) 1 ਤੋਂ 2
(ੲ) 10 ਤੋਂ 12
(ਸ) 15 ਤੋਂ 25.
ਉੱਤਰ-
(ਉ) 5 ਤੋਂ 7
ਪ੍ਰਸ਼ਨ 5.
ਪਾਪੂਲਰ ਦੀ ਖੇਤੀ ਲਈ ਜ਼ਮੀਨ ਦੀ ਪੀ.ਐੱਚ. ਕਿੰਨੀ ਹੋਣੀ ਚਾਹੀਦੀ ਹੈ ?
(ਉ) 10
(ਅ) 6.5 ਤੋਂ 8.0
(ੲ) 3 ਤੋਂ 4
(ਸ) 4 ਤੋਂ 5.5.
ਉੱਤਰ-
(ਅ) 6.5 ਤੋਂ 8.0
ਪ੍ਰਸ਼ਨ 6.
ਵਣ ਖੇਤੀ ਵਿੱਚ ਖੇਤਾਂ ਦੇ ਬੰਨਿਆਂ ਤੇ ਦਰੱਖ਼ਤਾਂ ਨੂੰ ਕਿਹੜੀ ਦਿਸ਼ਾ ਵੱਲ ਲਗਾਉਣਾ ਚਾਹੀਦਾ ਹੈ ?
(ਉ) ਉੱਤਰ-ਦੱਖਣ
(ਅ) ਪੂਰਬ-ਪੱਛਮ
(ੲ) ਦੱਖਣ-ਪੂਰਬ
(ਸ) ਉੱਤਰ-ਪੂਰਬ ।
ਉੱਤਰ-
(ਉ) ਉੱਤਰ-ਦੱਖਣ
ਪ੍ਰਸ਼ਨ 7.
ਇਮਾਰਤੀ ਲੱਕੜੀ ਪੈਦਾ ਕਰਨ ਲਈ ਸਫੈਦੇ ਨੂੰ ਕਿੰਨੇ ਸਾਲਾਂ ਬਾਅਦ ਕੱਢਿਆ ਜਾਂਦਾ ਹੈ ?
(ਉ) 13 ਤੋਂ 15 ਸਾਲ
(ਅ) 6 ਤੋਂ 8 ਸਾਲ
(ੲ) 4 ਤੋਂ 6 ਸਾਲ
(ਸ) 2 ਤੋਂ 4 ਸਾਲ ।
ਉੱਤਰ-
(ਉ) 13 ਤੋਂ 15 ਸਾਲ
ਪ੍ਰਸ਼ਨ 8.
ਬੱਲੀਆਂ ਤਿਆਰ ਕਰਨ ਲਈ ਸਫੈਦੇ ਨੂੰ ਕਿੰਨੇ ਸਾਲਾਂ ਬਾਅਦ ਕੱਟਿਆ ਜਾਂਦਾ ਹੈ ?
(ਉ) 13 ਤੋਂ 15 ਸਾਲ
(ਅ) 6 ਤੋਂ 8 ਸਾਲ
(ੲ) 4 ਤੋਂ 6 ਸਾਲ
(ਸ) 2 ਤੋਂ 4 ਸਾਲ ।
ਉੱਤਰ-
(ੲ) 4 ਤੋਂ 6 ਸਾਲ
ਪ੍ਰਸ਼ਨ 9.
ਕਾਗ਼ਜ਼ ਦੀ ਲੁਗਦੀ (ਪੇਪਰ ਪਲਪ) ਤਿਆਰ ਕਰਨ ਲਈ ਸਫੈਦੇ ਨੂੰ ਕਿੰਨੇ ਸਾਲਾਂ ਬਾਅਦ ਕੱਟਿਆ ਜਾਂਦਾ ਹੈ ?
(ਉ) 13 ਤੋਂ 15 ਸਾਲ
(ਅ) 6 ਤੋਂ 8 ਸਾਲ
(ੲ) 4 ਤੋਂ 6 ਸਾਲ
(ਸ) 2 ਤੋਂ 4 ਸਾਲ ।
ਉੱਤਰ-
(ਅ) 6 ਤੋਂ 8 ਸਾਲ
ਠੀਕ/ਗਲਤ ਦੱਸੋ
1. ਪਾਪਲਰ ਬੇਟ ਦੇ ਇਲਾਕੇ ਵਿਚ ਕਾਮਯਾਬ ਹਨ ।
ਉੱਤਰ-
ਠੀਕ
2. ਪਾਪਲਰ ਦੇ ਦਰੱਖ਼ਤ 5 ਤੋਂ 7 ਸਾਲਾਂ ਵਿਚ ਤਿਆਰ ਹੋ ਜਾਂਦੇ ਹਨ ।
ਉੱਤਰ-
ਠੀਕ
3. ਜੈਟਰੋਫਾ ਨੂੰ, ਬਾਗਾਂ ਨੂੰ ਜੰਗਲੀ ਜਾਨਵਰਾਂ ਤੋਂ ਬਚਾਉਣ ਲਈ ਲਗਾਇਆ ਜਾਂਦਾ ਹੈ ।
ਉੱਤਰ-
ਠੀਕ
4. ਕਲਰ ਅਤੇ ਸੇਮ ਵਾਲੀ ਜ਼ਮੀਨ ਪਾਪਲਰ ਲਈ ਠੀਕ ਰਹਿੰਦੀ ਹੈ ।
ਉੱਤਰ-
ਗਲਤ
5. ਸਫੈਦੇ ਦੇ ਕਲਮਾਂ ਤੋਂ ਤਿਆਰ ਬੂਟੇ ਲਾਉਣੇ ਚਾਹੀਦੇ ਹਨ ।
ਉੱਤਰ-
ਠੀਕ
ਖਾਲੀ ਥਾਂ ਭਰੋ-
1. ਪਾਪਲਰ ਦੀ ਲੱਕੜ ਦੀ ਵਰਤੋਂ ……………………… ਬਣਾਉਣ ਵਿੱਚ ਹੁੰਦੀ ਹੈ ।
ਉੱਤਰ-
ਮਾਚਿਸ ਦੀਆਂ ਤੀਲੀ
2. ਪਾਪਲਰ ਦੇ ਦਰੱਖ਼ਤ ਬੰਨਿਆਂ ਉੱਤੇ …………………….. ਦੇ ਫਾਸਲੇ ਤੇ ਲਾਏ ਜਾਂਦੇ ਹਨ ।
ਉੱਤਰ-
ਮੀਟਰ
3. ਕੰਢੀ ਇਲਾਕੇ ਵਿਚ ………………………… ਖੋਰ ਦੀ ਸਮੱਸਿਆ ਹੈ ।
ਉੱਤਰ-
ਭੂਮੀ
4. PL-3 …………………….. ਦੀ ਕਿਸਮ ਹੈ ।
ਉੱਤਰ-
ਪਾਪਲਰ
5. ਕੰਢੀ ਖੇਤਰ ਵਿਚ ਸਰਦੀਆਂ ਦੇ ਮੌਸਮ ਵਿਚ ………………………….. ਦੀ ਘਾਟ ਹੁੰਦੀ ਹੈ ।
ਉੱਤਰ-
ਚਾਰੇ ।